භාරතයේ දම් සෝ රජකම් කළ             දවසේ
සද්ධර්මයෙ චිර තිථියට සඟ ගණ       එකසේ
නව රටකට දහම් පඬුර පිරිනැමු          පිරිසේ
ලක්දිව දම් රසෙන් වෙලුණි එදවස මෙලෙසේ

දම්සෝ මහ නිරිඳුන් හා මිතුරු    පෙමින්නේ
දෙටුතිස් රජු ලක්දිව සිහසුන        දරමින්නේ
දහම් කරුණු විමසන ළය පිරි   සැදැහින්නේ
ලක්දීපය සදහම් මාවතට           හැරෙන්නේ

මුව දඩයමෙ යන දෙටුතිස් නුවණැති           කෙනෙකි
මිස්සක ගිර දම් දෙසුමට සුදුසුම                    තැනෙකි
මිහිඳු තෙරුන් සමඟින් සැදැහැති සය           දෙනෙකි
ගුවනින් වැඩි පොසොන් පොහොය පින්බර  දිනෙකි

ජන ජීවිත ආගම දහමින්                             පිරුණා
මනු හදවත් සුවයෙන් ඉතිරුණි                 කරුණා
සුගති බෙලෙන් හැම දුක් බිය මග           හැරුණා
පොසොන් පොහොය බැබලුණි සදහම්   වරුණා

සිත කය වචනය සැදැහෙන්     නිවේවා
සුචරිත ඇවතුම් ගුණදම්          වැඩේවා
අකුසල් දුරුවී කුසලින්                පිරේවා
දෙලොව දිනන සදහම් මග   පෙනේවා

Image Courtesy  : https://bit.ly/2YKON9x