“අසෙනිය කුසුම්” විකසිත විය…..

Share

නිරුදක කතරකට අසෙනි වරුෂාවක් බඳු වූ සුගායන ප්‍රසංගයක් පසුගිය 8 වෙනිදා හවස 4ට එලඹුන සුබ මොහොතින් නව කළාගාරයෙදි උත්කර්ෂවත් අන්දමින් පැවත්වුනි. කොළඹ විශ්වවිද්‍යාලයේ මහාචාර්යයවරුන්ගේ හා   ආචාර්යයවරුන්ගේ සප්ත ස්වර ගායනයෙන් අමන්දානන්දයට පත් වීමට එදින සපැමිණි සියලු දෙනාටම හැකි විය. අලංකාර පසුතල නිර්මාණයකින් හැඩ වූ ශාලාව පිලිබඳව කතා නොකල කිසිවෙකු නොමැති තරම් විය. මේ සඳහා වෙහෙස වූවෝ එකෙක් දෙන්නෙක් පමණක් නොවේ. මේ දිග හැරෙන්නේ ඔවුන්ගේ  පුවතයි.

ජේෂ්ඨ සහෝදරයන්ගේ ආරාධනයෙන් වේදිකාව සැරසීමේ කටයුතු භාර වූයේ පළමු වසරේ නවක සිසුන්ටය. දින දෙකකටත් අඩු කාලයක් ඇතුලතදි සියලු සැරසිලි නිම කිරීමේ දැවැන්ත අභියෝගය දෑතට ගත් ඔවුන් 6 වෙනිදා හවස සිට 8 වෙනිදා දහවල දක්වාම තම දහඩිය මහන්සිය කැපවීම වැය කලේ ඒ වෙනුවෙනි. කණ්ඩායම් හැඟීම,එකමුතුකම, සමඟිය මොනවට පසක් කරමින් ඔවුන් එම අභියෝගය ජය ගත්තේ කිසිවෙකුත් නොසිතූ පරිදිය. ජේෂ්ඨ සහෝදරයන්ගෙන්ද ඊට ලැබුන පිටුවහල මෙතෙකු යැයි කියා නිම කල නොහැක. විහිලුවෙන්. තහලුවෙන්, සිනහවෙන්, කතාවෙන් අඩුවක් නොවුන එම දින දෙක එකම සතුටු සාගරයක් මෙන් විය. වෙහෙස මහන්සිය බිඳුවකට හෝ මායිම් නොකිරිමට හැකි වූයේ ඒ නිසා විය යුතුයි. එළෙසම  ජේෂ්ඨ සහෝදරයන් හා නවක සිසුන් අතර සහෝදරත්වයේ පාළම තව දුරටත් ශක්තිමත් කිරිමට මෙයින් අනගි පිටුවහලක් ලැබුනි. අප අතරම සිටි කලා හැකියාවෙන් අග තැම්පත් වූ සහෝදර සහෝදරියන් හැඳින ගැනීමට එවන් අවස්ථාවක් ලබා දීමද අගේ කොට සැලකිය යුතු වේ. වචනයකින් හෝ තම එකම වසරෙ සහෝදර සහෝදරියන්ට උදව්වක් නොකල කෙනෙකු නොමැති තරම් විය. එම නිසාම අවසන ප්‍රතිපලය වූයේ සියලු දෙනාගේම පැසසුමයි.ආරාධිත අමුත්තාගේ පටන් සියලු දෙනාගේම පැසසුමට භාජනය වීමට ලක්වීම අප ලබූ ඉමහත් භාග්‍යක් කොට සැලකිය යුතු වේ.

ජීවිතයම අභියෝගයකි. ඒ අභියෝග ඔස්සේ ඉහල නැගීමට සහෝදරත්වයේ දෑත දිගු කළ ජේෂ්ඨ සහෝදරයනි, පළමු වසර සහෝදර සහෝදරියන් වෙනුවෙන් මේ හද පිරි ස්තූතිය ඔබටයි!

1 2 3 4 5 6 7