දවස පුරා ළය දවනා නොනිමි ගිනී
රත් කළ යවුලෙන් සිරුරට තදින් ඇනී
හිත පාරන නැතිබැරිකම විඳිමි තනී
දුප්පත්කමත් රැලි නැති කූඩුවක් වැනී

හැදියාවට පැසසුම් තුති නොමැත මිණී
බලයට නිලයට සැලකිලි සැවොම ගෙනී
අසරණ කමට ගල් මුල් දොස් පද පමණී
දුප්පත්කමත් රැලි නැති කූඩුවක් වැනී

පහන් කූඩුවක උපතයි කලාවෙනී
රැල්ලක අඩුවක්වත් නැති නිසාවෙනී
හැම නෙත් පහදා දිලුණේ සැදෑවෙනී
දුප්පත්කමත් රැලි නැති කූඩුවක් වැනී

Image Courtesy : Ishanka Deshapriya