මායමකි සරදමට ඉඟි කරන මුව කමල

විහිළුවකි කඳුළු බිඳු වගුරනා නෙතු අගක

සරදමකි වදන් ගොළු කරවනා දෝස සැම

පාඩමකි නිදන් ගත මතක පොත් පිටු අතර

සෙලවෙනා මනසකට ආවඩන කතාවක

කතුවරුන් මුණගැසෙයි ගතවනා දිනෙන් දින

මවාපානා රුවට මවාපානා වදන

නොගැලපෙන අරුමයක විඳවනා සිත් අතර

දැනේවි ද මදහසක් දැලි පිහිය මෙන් කැපෙන

නොදැනේ ද රඟපාන දුර්ගන්ධ ආත්මය

දැනී නොදැනීම අත්හදා බලමින් සොඳට

නැවුම් පිටුවකට ඉඩ වෙන් කරමි සකි නුඹට!

Image courtesy: https://bit.ly/3sD7BY2