නැවත කඩිනමින් පිළිසකර කරවූ ගණිත අධ්‍යයනාංශ ගොඩනැගිල්ල 2014 මාර්තු 3 වන දින උදෑසන 10.30ට යෙදුන සුභ මොහොතින් විවෘත විය. ප්‍රධාන ආරාධිත අමුත්තන් ලෙස ජනපති ආර්යාව ශිරන්ති රාජපක්ෂ මහත්මිය, ආරක්ෂක ලේකම් ගෝඨාභය රාජපක්ෂ මහතා, හමුදා ප්‍රධානීන් ඇතුලු විශ්ව විද්‍යාලයේ ආචාර්යය මණ්ඩලයේ බොහෝ පිරිසක් සහභාගී වී සිටියහ. දෙවන වසර සිසු සිසුවියන්ගේ අලංකාර නර්ථනයන්ගෙන් විචිත්‍ර වූ මෙම උත්සවය පැමිණ සිටි සියල්ලන්ගේම සිත ප්‍රබෝධමත් කිරීමට සමත් විය. විවිධ මාධ්‍ය ආයතන රැසක සහභාගීත්වය දක්නට ලැබීමද මෙහි දක්නට ලැබුන විශේෂත්වයකි. ආරාධිත අමුත්තන් සභාව ඇමතීමෙන් අනතුරුව පැවැත්වූ රසවත් භෝජන සංග්‍රහයෙන් පසුව උත්සවයේ කටයුතු නිමාවට පත් විය. පැයක් පුරා පැවතුන උත්සවය පුරාවටම දැඩි හමුදා හා පොලිස් ආරක්ෂාවක් විශ්ව විද්‍යාල භූමිය පුරාවටම දක්නට ලැබුණි. අලංකාර ලෙස සාදා නිම කර ඇති ගණිත අධ්‍යයනාංශ ගොඩනැගිල්ල තමන් අතට පත් වීම ගණිතය හදාරන සියළුම සිසුන්ගේ ප්‍රීතියට හේතු වන බව නම් නොඅනුමානයි.