කණාමැදිරි එළියත්

හරි කරදරයක් කියල හිතෙන තරමට ම

කරමි පෙම් අඳුරට ම

හුදකලාවෙන් හා නිසසල බවින් පිරුණු

ඒත් නුඹ පායලා අහසේ රහසේ ම

මා කිසිදාක නොවිඳපු

නිවීමක් ගෙනෙන

තරු එළියක් විලසට

ඉඳින්,

දුටු සැණින්

කාල අවකාශ වක්‍රය හකුළු වන

මන්දාකිණි හරහා අතරමං කරවන

දෙනයන ඇත්තිය…

මම මෙතැන් සිට

කුමක් කරම්දැයි නොදනිමි.

ශුන්‍යයත් අනන්තයත්

අතරමැද පටු මාවතක දෝලනය වෙමි…

නුඹ,

රතු පැහැති තරු එළියක් නොවී

නිල් පැහැති තරු එළියක් වී

බැබලෙන්න කියා ම පතමි…

Written By : Isuru Supun

Image Courtesy: https://bit.ly/3PQvJlN