ජීවිතයේ අප සතුව සිහින බොහොමයක් ඇත. ඒ සිහින සියල්ලම අපිට සැබෑ කරගත නොහැකිමුත් අපට එම සිහින සැබෑ කර ගැනීමට උත්සාහ කල හැකිය.බලාපොරොත්තු අපිව ජීවත් කරන හුස්ම වැනිය. මන්ද බලාපොරොත්තු අපිට ජීවිත ගමනේ ඉදිරියට යාමට අපට අවශ්‍යය දිරිය ලබා දෙයි. සිහින දකින්නන් සහ සිහින හඹායන්නන් යනු දෙපිරිසකි. සිහින දුටු පමණින් එම සිහින යථාර්තයන් බවට පත් වන්නේ නැත. අපි සිහින වලට එලෙසම පවතින්නට දෙන්නේ නම් ජීවිතයේ අපිට තෘප්තිමත් විය හැකි හේතු කාරණා අල්ප වනු ඇත. නමුත් අපි සිහින සැබෑ කරගනු වස් විවිධාකරයෙන් උත්සාහ කිරීම තුල අපට අපේ ජීවිතය ගැන තෘප්තිමත් විය හැකිය. මන්ද අප කිසිම සිහිනයකට බලාපොරොත්තුවකට නිස්කාරණේ අපව හැර යාමට ඉඩ නොදෙන නිසාය.
අප ගන්නා උත්සාහයන් තුල අපේ මහන්සියට සරිලන ප්‍රතිඵලයන් විටෙක අපට නොලැබී යාහැකිමුත් අපි ඉන් අධෛර්‍යයට පත් නොවිය යුතුය. අපි නැවත නැවතත් අපේ ඉලක්ක වෙත යාමට උත්සාහ කල යුතුය. නොහිතනා නිමේෂයක අපේ උත්සාහය මල් ඵල ගැන්වෙනු ඇත. ඒ මොහොතේ ජිවීතය තුල ඔබට දැනෙන හැඟීම සිහින හඹායන්නෙකු ලෙස ඔබ ජීවිතයේ ලබන ඉහළම තෘප්තිය වනු ඇත. විටෙක පරාජයන් ඔබේ සිත් වෙහෙසට පත්කල හැකිමුත් එවිට ඔබ සිහියට නගාගන්න ඔබේ සිහිනය ඔබේ ඉලක්ක ඔබේ බලාපොරොත්තු ඔබේ ආශාවන් සහ අභිලාෂයන්.
ශ්‍රී ලංකා විශ්වවිද්‍යාල ක්‍රීඩා සිහින හඹා යන්නන්ගෙන් පිරි පාරාදීසයකි. ඔබත් එහි ජය කෙහෙළි නංවන සාඩම්බර හිමිකරුවෙකි. ජයග්‍රහණයේ මාවත තුල ඔබ තබන සෑම පියවරක්ම සාර්ථක අවසානයක් දක්වා හේතු වනු ඇත. රුහුණ, පේරාදෙණිය හෝ කොළඹ වේවා තණතීරුව අපගේ වන අතර එහි ජය හඬ නගන්නේ ජයග්‍රහණයේ මාවත තුල ඔබ තබන සෑම පියවරක්ම සාර්ථක අවසානයක් දක්වා හේතු වනු ඇත. රුහුණ, පේරාදෙණිය හෝ කොළඹ වේවා තණතීරුව අපගේ වන අතර එහි ජය හඬ නගන්නේ අපිය. කොළඹ විශ්ව විද්‍යාලය අවසන් වරට ශූරතා තුනම දිනා වසර 20 කට වැඩි කාලයක් ගත වී ඇත. එය අවසන් වරට සිදු වූයේ 1998 දී ය. නැවතත් ශූරතා ත්‍රිත්වය ලබා ගැනීමට කාලය එළඹ ඇත. සිහිනය අප සතු කර ගැනීමට නොබියව සිහින හඹායන්නට ඔබ සැමට ජය.
නිතරම සිහි තබාගන්න ඔබ තනියෙන් නොවන බවත් කොළඹ විශ්වවිද්‍යාලයම ඔබ සමඟින් බවත්. ඔබ ඉලක්ක සපුරාගෙන කොළඹ සරසවි පින් බිමට පා තබනුයේ සියලු දෙනාගේම ගෞරවනීය පිලිගැනීම් මධ්‍යයේ ජයග්‍රාහී වීරයෙක් ලෙසින්ය. ඔබ ගන්නා සෑම තීරණයක්ම ඔබ තබන සෑම පියවරක්ම ඔබේ ඉලක්කය කරා ඔබව ඔසවා තබනු ඇත. හොඳින් සිතා බලා කුසලානය ඔබේ අතේ රඳවාගැනීමේ අධිෂ්ඨානය පෙරදැරිව කටයුතු කිරීමට ඔබ සැමට ශක්තිය ඇති බව අපගේ විශ්වාසයයි. අප සියලු දෙනාගේ ආශිර්වාදයන් ඔබ වෙතය. අපගේ එකම පැතුමද ඔබ සැමගේ ජයග්‍රහණයයි.
Image Courtesy: FOSMedia