ප්‍රේමයේ ප්‍රතිමූර්තිය

Lakmini , 0 Comments

පාරමී පුරා දිගු සසර ගමනක ඇවිද
කෙලෙස් දම් අතැර මොක් සුවය සොයනට පැමිණ
ලැබුණ අවසන් භවය මියෙන තුරු එකට හිඳ
සෙවණැල්ල වන්නට වූ පැතුම් සැම සැබෑ විය

ලේන කුලයේ සිටම පෙලින් පෙල එකිනෙකට
බැඳුණු භවයන් පුරා පතිනියක වී සොඳට
දුකක් වුව සැපක් වුව සම සිතින් දරාගෙන
අත්වැලක් විය දුකෙන් මිදෙන මග සොයන්නට

තමන් පණ දෙවෙනි කොට පෙමින් බැඳුණත් විටෙක
පෙරුම් පිරු නාමයෙන් දන් දුන් වුවත් විගස
හදවතේ පිරුණු ඒ සෙනෙහසට මියැදෙන්න
ඉඩ නොදුනි උතුම් වූ පතිවතේ නමින් ඇය

කෙලෙස් දුරලා දැල්වෙන තුරු නිවන් පහන
සාදුකාරය දෙමින් සිතින් සැම මොහොතකම
පැතුම් පොදිබැන්ද ප්‍රේමයේ ප්‍රතිමූර්තිය
යශෝධරා නම් විය හදවත පුදසුනක් වුණ

 

Image Courtesy –https://mirrorarts.lk/ar/news/1470-yashodara