හෙලූ හිස් සුසුමක
ගැබ් වූ පරාජිතබව
හැල්මෙ දිව යන දිවියක
තවත් දවසක් ගෙවුණු බව
හඹා ආ සිහිනයක
නටඹුන් ද දුටු බව
පසක් වූ හෝරාව
විවර විය මරු කටට
නැහැ ඉඩක් පිපෙන්නට
පෙති හැලුණ මලක් හට
නැහැ ඉඩක් හැරෙන්නට
හසු උනොත් සැඩ රළට
බැහැ ගගන සරන්නට
තටු සිදී අකාලෙට
ඉදින් කොහින් ද ඉඩක් මට
ජීවිතය දිනන්නට
අපමණයි වාර නම්
වැටීවැටී හිටගත්ත
අපමණයි හෙලු කදුළු
මුළු ලොවක් නිදි රැයක
අපමණයි ඇසු කතා
තනි රැක්ක උන්ගෙන් ම
ආයෙ බැහැ නැගිටින්න
අවසාන නින්ද මෙය
ලෝකයක් හා ගැටී
පරාජය ලැබූ කල
වෙහෙසුනත් නිදි නැති ව
ලද දෙයක් නො වූ කල
දිරි දෙන්න ළඟ ඉන්න
කෙනෙක්වත් නොමැති කල
මාරයත් අසරණයි
මෙවන් ඉල්ලීම් ළඟ
Written by: Chiraththi Rasadi
Image link: https://bit.ly/3v3DyJR