පාලුව සිත දවන රැයකදි අහස් කුස

බැලුවෙමි දුටිමි හඳ රවුමක් සිනාසෙන

හිරුගෙන් සොරාගත් එළියෙන් බබළමින

සාවිය දුටිමි තරු වටකර එහි නිදන

නිවෙමින් දිදුළමින් සාවිට සිනාසෙන

තනි තරුවක් දුටිමි අහසේ ඈත කොන

විමසා බැලූයෙමි තරුවේ ළය ගැහෙන

දුටුවෙමි ගලන කඳුළැලි සිනහවෙ යටින

ළංවිය නොහැකි මුත් වෙන්වීම ද නොවෙන

හිමි නොවෙනා ආලෙක විරහව විඳින

කල්පාන්තයක් තෙක් රහසින් පෙම් කරන

තරුවක් නිසා නිවුණා මගෙ හද දැවෙන

කඳුලක් හෙලා මගෙ විරහව දිය කලෙමි

සුසුමින් හදේ ඒ කඳුලැලි පිස ගතිමි

හදවත රැගෙන අහසට එය විසි කලෙමි

තනි තරුවකට ආලය මගේ පුද කරමි

Written By; Janani Chathurya 

Image Courtesy;https://bit.ly/3bv1mwY