මගේ කඳුලැලි ඔබේ නෙතගින් ගලනවා අම්මේ
ඔබේ හසරැලි මගේ මුවගින් පිපෙනවා අම්මේ
ඔබේ සිහිනය මගේ දෑතින් තැනෙනවා අම්මේ
මගේ ලොකය ඔබේ දෑසින් දකිමි මම අම්මේ
හදේ ගින්දර ඔබේ මෙත් දිය නිමාලයි අම්මේ
කඳුලු පිසදා නළල සිඹ ඔබ සිනාසේ අම්මේ
අපේ දුක් ගෙන සිනහසෙන්නට එපා අපෙ අම්මේ
අනේ එතකොට ඇත්තමයි අපි අසරණයි අම්මේ
පෙරා රුධිරය කිරට හරවා පෙවු මගෙ අම්මේ
හොවා කුසයේ දසමසක් මා වැදූ ඔබ අම්මේ
පොවා යහගුණ දිවිය දෙව් ලොව කලේ ඔබ අම්මේ
ලොවේ හැම අය පරදනා ඔබ කවුරුදෝ අම්මේ
මගේ පින්බර පියාණන් හට සඳයි ඔබ අම්මේ
මටත් මගේ නැගනියන්ටත් ලහිරු ඔබ අම්මේ
අහස තරමට කඳුලු සඟවා සිනාසෙන අම්මේ
මගේමයි ඔබ ම ගේමයි ඔබ ම ගේමයි අම්මේ