අපේ පරම්පරාව හරි ඉක්මන් පරම්පරාවක් කියලනේ කියන්නේ. තාක්ෂනයත් එක්ක අපි දැන් පුරුදු වෙලා ඉන්නෙ ඉතා ඉක්මන් සේවාවන්වලට. Chat, SMS, E-Mail වගේ තොරතුරු හුවමාරු කරන ක්‍රමත් සමග දැන් අපි හැමදේම ක්ෂණිකව තමා කරන්නේ. චැට් කරනව කිව්වොත් ඉතින් ඊට  එහා දෙයක් නෑ. මේ දැන් Message එකක් යැව්වා, මේ දැන් Reply එකක් හම්බුනා. සමහර කට්ටිය Phone එකෙන් මේ වැඩේට කොච්චර දක්ෂද කියන්නේ තමන්ගේ පොකට් එක ඇතුලෙ තියෙද්දි පවා නොබලාම type කරලා SMS යවනවා.

Phone එකේ keypad එකට මෙච්චර හුරු වෙලා තියෙන්නේ කාලයත් සමගම. එකම දේ දැකලා දැන් ටයිප් කරන්න බලන්නවත් ඔනෙ නෑ.
නමුත් තවමත් අපේ රටේ පරිගණක පරිශීලනය කරන බහුතරයක් හරියට යතුරු ලියනයේ typing කරන්නේ නම් නෑ.  ගොඩාක් අය කරන්නේ ඇඟිලි දෙකකින් කොහොමහරි යතුරු පුවරුව දිහා බලාගෙන type(This is called Hunt and Peck typing) කරන එක තමා. මේකෙන් විශාල කාල්යක් නාස්ති වෙනවා වගේම, Monitor එක දිහා බැලෙන්නේ නැති නිසා ඔබ අතින් වැරදි වීමට ඇති ප්‍රවණතාවයත් ඉහල යනවා.
ඉතින් මේකට තියෙන විසඳුම තමා යතුරු ලියනය දිහා නොබලා type කිරීමට ඉගෙන ගැනීම. මේකට කියන්නේ ‘Touch Typing’ කියලයි.

1888 Frank Edward McGurrin(ෆ්‍රෑන්ක් එඩ්වර්ඩ් මැක්ගරින්) කියන ලගුලේඛක මහතා තමයි මේ ක්‍රමය සොයාගෙන තියෙන්නේ. යතුරු පුවරුවේ යතුරු තියෙන තැන් මතකේ තබාගෙන ඒ දෙස නොබලා type කිරීමට පුලුවන් වීම තමයි Touch Typing කියන්නේ.

මමත් A/L කරලා කැම්පස් යනකල් ගෙදරට වෙලා ඉද්දි තමයි Touch Typing වලට පුරුදු උනේ. දැන් මට විනාඩියකට වචන 80-90ක් අතර type කරන්න පුලුවන්. මේ නිසාවෙන් මට ලිපියක් ඉක්මනට ලියලා අනික් වැඩ කරගන්න පුලුවන්.

එහෙනම් බලමු කොහොමද Touch Typing  කරන්නේ කියලා.

මේ තියෙන්නේ සාමාන්‍ය පරිගණක යතුරු ලියනක්.

ඔබට හොඳින් බැලුවොත් තේරෙයි ‘F’ යතුරේ සහා ‘J’ යතුරේ පොඩි ගැටි දෙකක් තියෙනව.

ඔබගේ වම් අතේ දබරැඟිල්ල ‘F’ මත තබන්න. ඔබගේ දකුණු අතේ දබරැඟිල්ල ‘J’ මත තබන්න. ඉන් පසු වම් අතේ දබරැඟිල්ලට වමින් තිබෙන ඇඟිලි තුනත් ‘D’,’S’, සහ ‘A’ මත පිලිවෙලින් තබන්න. ඉන් පසු දකුණු අතේ දබරැඟිල්ලට දකුනින් තිබෙන ඇඟිලි තුනත් ‘K’,’L’, සහ ‘;’ මත පෙර වගේම තබන්න.

දැන් ඔබගේ අත් දෙක යතුරු පුවරුව මත තිබිය යුත්තේ මෙසේය.

මේ අවස්ථාවේ ඔබගේ ඇඟිලි සියල්ලම තිබෙන්නේ, අපි type කරන්න පටන් ගන්න පේලියේයි. මේකට කියන්නේ ‘Home Row’ කියලයි. ඔබ ‘A’ අකුර ඔබන්න ඔනේ වම් අතේ සුලැඟිල්ලෙනුයි. අනිත් යතුරු වලටත් මේ නීතිය අදාලයි.
‘G’ යතුර ඔබන්න ඕනේ වම් අතේ දබරැඟිල්ලෙනුයි. ‘H’ යතුර ඔබන්න ඕනේ දකුණු අතේ දබරැඟිල්ලෙනුයි.
ඔබ ‘F’ මත තබා සිටින දබරැඟිල්ල එක යතුරක් දකුණට කල විට ඔබට අසු වෙන්නේ ‘G’ යතුරයි. ‘H’ වලටත් කල යුත්තෙ දකුණු අතේ දබරැඟිල්ල වමට කිරීමයි.

Home Row එකට උඩින් තිබෙන පේලිය ගැන දැන් කතා කරමු.
මේ පේලියේ තිබෙන්නේ මේ යතුරුයි. ‘Q’,’W’,’E’,’R’,’T’,’Y’,’U’,’I’,’O’,’P’
ඔබගේ වම් අතේ දබරැඟිල්ල ‘R’ මත තබන්න. ඉන් පසු පෙර වගේම අනිත් ඇඟිලි ‘E,’W’,’Q’ මත තබා ගන්න.දකුණු අතේ දබරැඟිල්ල ‘U’ මත තබන්න. ඊට පසු අනිත් ඇඟිලි ‘I’,’O’, සහ ‘P’ මත තබන්න.
‘T’ යතුරට යන්නට ඕනේ වම් අතේ දබරැඟිල්ලයි. ඒ වගේම ‘Y’ යතුරට යන්නට ඕනේ දකුණු අතේ දබරැඟිල්ලයි.

දැන් අපි අවසාන අකුරු තිබෙන පේලිය දෙස බලමු. Home Row එකට යට පේලිය වන මෙහි ඇත්තේ ‘Z’,’X’,’C’,’V’,’B’,’N’,’M’, ‘ , ‘ , ‘.’,’/’  නම් යතුරුයි.

ඔබගේ වම් දබරැඟිල්ල යා යුත්තේ ‘V’ යතුරටයි. පෙර සේම අනිත් ඇඟිලි ටික ඊට වම් පසින් ඇති යතුරු මත සකසාගන්න. ඒවානම් C,X, සහ Z. දකුණු අතේ දබරැඟිල්ල ‘M’ මතට ගේන්න. අනිත් ඇඟිලි එයට දකුණින් ඇති යතුරු මත තබන්න. ඒවා නම් ’ , ‘ . ’ සහ / නම් වෙයි. ‘B’ යතුරට යා යුත්තේ වම් දබරැඟිල්ලයි. ‘N’ යතුරට යා යුත්තේ දකුණු දබරැඟිල්ලයි.

ඔන්න දැන් සියලුම අකුරුනම් ඔබන්නට අවශ්‍ය යතුරු සහ හරි ඇඟිල්ල දන්නවානේ?

අංක යතුරු සහ අනිකුත් යතුරු

1- වම් සුලැඟිල්ල
2- වම් මුදු ඇඟිල්ල
3- වම් මැදැඟිල්ල
4- වම් දබරැඟිල්ල
5- වම් දබරැඟිල්ල
6- වම් දබරැඟිල්ල/ දකුණු දබරැඟිල්ල(ඔබට සුදුසු විදිහට )
7- දකුණු දබරැඟිල්ල
8- දකුණු මැදැඟිල්ල
9- දකුණු මුදු ඇඟිල්ල
0- දකුණු සුලැඟිල්ල
‘-‘(ඉර)- දකුණු සුලැඟිල්ල
= – දකුණු සුලැඟිල්ල
Backspace යතුර- දකුණු සුලැඟිල්ල
‘ යතුර- දකුණු සුලැඟිල්ල
` යතුර- වම් සුලැඟිල්ල
Space Bar යතුර- වම් හෝ දකුණු මහපටැඟිල්ල
Enter යතුර- දකුණු සුලැඟිල්ල.
[ යතුර- දකුණු සුලැඟිල්ල.
] යතුර- දකුණු සුලැඟිල්ල.
\ යතුර- දකුණු සුලැඟිල්ල.

ඔන්න දැන් මම ගොඩාක් යතුරු සහ ඒවාට අදාල ඇඟිල්ල මොකක්ද කියලා කිව්වා. ඉල්ලඟට වැදගත් වෙන්නේ පුරුද්ද තමයි.
මුලින්ම යතුරු පුවරුව දිහා බලාගෙන හරි යතුර මත ඇඟිල්ල තබමින් type කරන්න. ඒත් එක්කම යතුරු තිබෙන තැන් මතක තබා ගන්න උත්සාහයක් දෙන්න.
පොඩ්ඩක් තමන් ගැන විශ්වාසය ආපුහාම කොච්චර වැරදුනත් කමක් නෑ කියල Monitor එක දිහා බලාගෙන type කරන්න බලන්න. මුලින්ම type කරනවා හුඟක් හෙමින් වෙන්න පුලුවන්, ගොඩාක් වරදින්න පුලුවන්. ඒත් ටික දවසක් යද්දි ඇඟට දැනෙන්නෙ නැතුව type කරන්න පුලුවන් වෙනවා අනිවාර්යයයි. කාලයාගෙ ඇවෑමත් සමගම යතුරු සොයමින් type කරන අයට වඩා ඉතා වේගවත් වීමට ඔබට පුලුවන් වෙනව.

ඉතින් පොඩි උත්සාහයක් දෙන්න මේ හැකියාව ඉගෙන ගන්න. අනික කවුද අකමැති වැඩකරුවෙක් වගේ Keyboard එක දිහා බලන්නෙවත් නැතුව ඇඟට නොදැනී, සට සට ගාල ටයිප් කරන්න? 😀

මම තව ටික දවසකින් වීඩියෝ එකක් හදනව මේ විෂය ගැන. මම ඒකටත් ලින්ක් එකක් මේ ලිපියේ දාන්නම්.

External Links
1. www.sense-lang.org/typing/‎   – Has a nice intro and cool typing games
2. www.typingstudy.com/‎  – More advanced than the previous site, hence more challenging.
3. play.typeracer.com/‎  – A typing game that pits you against world class typers
4. en.wikipedia.org/wiki/Touch_typing‎   – A concise article on the history and techniques of Touch Typing.