යලිත් නොඇසෙන නුඹෙ සිනා
රිදුම් දෙයි මගෙ සිත පුරා
මතකයන් යලි යලි මවා
සිත පුරා සක්මන් කළා
හීනයක අග හමුවෙලා
යලිත් ඉන්නට ලං වෙලා
අදත් එනවද මා සොයා
නිඳන්නම් මා මඟ බලා
කඳුළු බිඳු ඇත වියළිලා
හදෙහි රිදුමන් පෑරෙනා
හඬන්නට බැහැ කෑගසා
අසන්නට නුඹ නැති නිසා
රුදුරු ඇස් ඇත මඟ බලා
ගොදුරු ගන්නට සිත සිතා
පවුර නැති කල ලිය වටා
දහසකුත් එයි පිං පතා
ලෝකයක් කියනා කතා
නෑසෙනා ලෙස හිඳ බලා
මවන්නම් නුඹ පැතු සිනා
දනිමි නුඹ හිඳිනවා බලා
එදා බැඳි අත් ගිලිහුණා
තවම සිත නුඹ ළඟ තමා
හිඳිමි නොසැලී දිවිපුරා
නුඹේ තිළිණය කුස දරා!
Image Courtesy: https://abstract.desktopnexus.com/wallpaper/2180625/