මට හිතුණා පොඩි ප්‍රශ්නයක් අහලම මගේ මාතෘකාවට එන්න. පොඩි ප්‍රශ්නයක් වුණාට සමහර විට මේකට පිළිතුරක් දෙන එක ටිකක් අපහසු වෙන්න පුලුවන්. මේකයි ප්‍රශ්නය..ඔබ ජීවිතයේ ගත කරපු විවිධාකාර කාල පරිච්ඡේදයන් අතරින් හොඳම කාලය මොකද්ද? ළමා කාලය ද? පාසල් කාලය ද? එහෙමත් නැත්නම් රැකියාවක් කරනවා නම් ඒ කාලය ද? නැත්තම් විශ්වවිද්‍යාලයේ ගතකරපු කාලය ද? පිළිතුරක් හිතා ගත්ත ද? මම මගේ උත්තරය කියන්නම්. සමහර විට එය ඔබෙත් උත්තරය වේවි. සමහර විට වෙනස් වේවි.

එක් එක් කාලය දිහා බැලුවම මට නම් වඩා හොඳ මොකද්ද කියලා හොයාගන්න අපහසුයි. මොකද එක එක කාලයන්ට අදාලව තියෙන මතකයන් එක එක කාලයට අනන්‍යයි. හැම තැන්පත් වුණු මතකයක් ම එකිනෙකට වෙනස්.

මම මේ කියන්න යන්නේ මගේ ජීවිතයේ පහුගිය අවුරුදු දෙක ගැන. ඒක මගේ විතරක් නෙවේ තවත් පිරිසක ගේ කතාව.

ඒක පටන් ගන්නේ හරියටම මීට අවුරුදු දෙකකට කලින්. ලංකාවේ එක එක පැතිවලින් ආපු එක එක විදියේ කණ්ඩායමක් එකම batch එකක් විදියට Science Faculty එකේ ලියාපදිංචි වුණා. එතනින් තමා කතාව පටන් ගන්නේ. අවුරුදු දෙකක් ඇතුලත semesters 4 ක් පසු කළා. ඒ අතරින් වඩාත්ම සුන්දර මතකයන් තිබෙන්නේ පළවෙනි sem එක ගැන. එක එක පැතිවල ජීවත් වෙච්ච, එක එක සමාජ ස්ථරයන්ට අයිති, එක එක අම්මලාගේ තාත්තලගේ දරුවො නොදැනිම එකම අම්මා කෙනෙක් ගෙ ළමයි ටිකක් වගේ දැනෙන්න පටන් අරන්.

Campus life  එක ගැන කිව්වොත්, ජීවිතේ පළවෙනි පාරට ලොකු නිදහසක් දැනෙන්න ගන්න කාලය. ඒ වගේම ඇත්තම සමාජෙට මුහුණ දෙන්න කලින් හමුවෙන අවසාන කඩඉම. ඉහළම සමාජ තලයේ කෙනෙක් වේවා, පහල දුප්පත් කම්කරු පවුලක කෙනෙක් වේවා.. එකම සහෝදර ප්‍රේමයෙන් බැඳෙන තැන. ඒ බැඳීම හරිම පුදුමාකාරයි. තමන් තනිවෙලා නෑ කියලා දැනෙන තැනක්.. campus  එක ඇතුලෙ කොහේ ගියත් හලෝ මචං කියලා කථා කරන්න කවුරු හරි හම්බ වෙනවා.. අනික් අතට කිසිම රහසක්, කිසිම හොර වැඩක් කරන්න බැහැ අනික් අයට හොරෙන්. කොහොම හරි ඒ වගේ වැඩ අතේ පත්තු වෙනවා batch එකේ අයට.. ඕනෙ එකෙක්ගේ ඕනෙම හදිස්සියකට තව පිරිසක් අනිවාර්යයෙන් ඉන්නවා

මාස දෙකක සතුටුදායක exam මාලාවකින් පස්සේ අපි දෙවෙනි වසර අවසාන කරලා ඉන්නේ. තුන්වෙනි වසරට යන්න කලින් 3G, 4G හරි special  එකක් හරි තෝරගන්න වෙනවා. ඉතින් මේ තාක් කල් එකට හිටපු එකට කාපු බීපු, කොටින්ම කිව්වොත් වෙලාවකට පුදුම ඇණ ටිකක් වෙච්ච යාලුවො ටික එක්ක ගත කරන්න ලැබෙන කාලය අඩු වේවි..

ඒ වුණත් ඒ ගත කරපු කාලය.. open එකේ තේ එකක් බොන ගමන් කාව හරි Bite කරපුව, එකට කාපු බීපු හැටි, Blue side එකේ කාඩ් අතක් සෙල්ලම් කරපු හැටි. (දැන් නම් මේ තැන් දෙකම අපිට නැති වෙලා තියෙන්නේ), exam කාලෙට common එකේ මදුරුවො කකා රෑට කුප්පි දා ගත්ත හැටි.. තව කියන්න බැරිවෙච්ච දේවල් ඔක්කොම… අපි එක එක fields  වලට ගියත් මේ මතකය නම් සදාකාලිකයි.. හිත ඇතුලේ මුලු ජීවිත කාලය පුරාම අමරණීය වේවි.

අපේ අලුත් නංගිලා මල්ලිලා ටිකත් campus  එකට ආවා.. මට කියන්න තියෙන්නේ මේ කාලේ ආයෙමත් එන්නේ නැහැ.. campus life එක විඳින්න. විඳවන්න එපා.. academic විතරක් ජීවිතේ කරගන්න එපා.. ඒක balance කරන ගමන්  functions, එතකොට අනික් clubs, societies, sports වලට join වෙන්න..

Campus එකෙන් එළියට යද්දි ගෙනියන්න ඕනෙ දේවල් 4 ක් තියෙනවා.. degree එක, හොඳ යාලුවො සෙට් එකක්, කෙල්ලෙක්ට නම් කොල්ලෙක් කොල්ලෙක් ට නම් කෙල්ලෙක් සහ කාඩ් එකක්. ඒ දේවල් තාම හොයගත්තේ නැත්තම් ඉක්මණින්ම සොයාගන්න. හි හී…ඉතින් අපි batch එකක් විදියට එකට ඉන්න තව අවුරුද්දක්ම තියෙනවා.. සමහර අය අවුරුදු දෙකක්… ඉතින් මේ කාලයත් පහුගිය කාලේ වගේම ජීවිතයේ හොඳම කාලයක්, හොඳම මතකයක් කරගමු.. ආදරෙයි මගේ සහෝදර සහෝදරියන්ට.. නවතින්නම්….

 Image Courtesy – FOS Media