සඳකටත් පායන්න අඳුර මඟ කියනවා
තරු ළඟත් හැංගිච්ච හීනයක් තියෙනවා
හැම ගඟම ගලාගෙන සයුරටම ඇදෙනවා
මෝයකට ළංවෙද්දි ගඟත් ඉකිබිඳිනවා

හිත අස්සේ හැමදාම තනිය තනි මකනවා
ඇස් අස්සේ හිරවෙලා කඳුලකුත් හඬනවා
වැව් අමුණු කඩාගෙන ගඟේ දිය ගලනවා
එක වරක් හිනැහෙන්න හේතු තව සොයනවා

කා ළඟත් නොලියවුණු ගීතයක් තියෙනවා
තනුවකට ගලපන්න බැරිව මඟ හරිනවා
සෙනෙහසයි මිතුදමයි අතර මැද රැඳෙනවා
හේතුවක් නොදැණුනත් පන්හිඳත් හඬනවා

Image Courtesy : https://bit.ly/3bwtEGd