VEGA

Share

 

ශ්‍රී ලංකාවට අභිමානයක් එක් කිරීමට සුදානම් වන මේ අලුත්ම සුපිරි විද්‍යුත් මෝටර් රථය ගැන අපි හොයල බැලුවා.

එය නමින් ” VEGA “. මෙම මෝටර් රථයේ Design, Electronic, Software, Manufacturing යන මේ සියලුම කටයුතු සිදුවන්නේ ලංකාව තුළදී, අපේ ඉංජිනේරුවන්ගේ දැනුමෙන්.මෙම මෝටර් රථය ආසන 2 කින් යුක්ත අතර, Aerodynamics (වායු ධාරා පාලනය කිරීමක්) වගේම මේ Design එක අභ්‍යවකාශ යානා ආකෘතියට නිර්මාණය කරලා තිබීම මෙන්ම සම්පුර්ණ බඳ කොටස කාබන් ෆයිබර් භාවිතා කරලා තිබීමත්  සුවිශේෂී වෙනවා.තව ද මෙහි සම්පුර්ණ බර 1600 kg වේ.

1

මේ මෝටර් රථය ධාවනය වෙන්නේ electric motor 2 කින්.එහි සම්පුර්ණ බලය අශ්ව බල 900 කටත් වැඩීයි. Gear Box එකක් භාවිතා කරලා තියනවා වගේම මේ මෝටර් 2 වෙන වෙනම පිටුපස රෝද 2 ට සවි කරලයි තියෙන්නේ.මේ වාහනේ උපරිම වේගය 240 kmh-1 වන අතර 0-60 kmh-1 දක්වා වේගයක් ලබා ගැනීමට තත්: 4 කටත් වඩා  අඩු කාලයක් ගැනීම සුවිශේෂි කාරණයක් වෙනවා.ඒ වගේම ඇමෙරිකාවේ නිෂ්පාදිත Tesla Roadster මෝටර් රථය සමග තරග කරන්න තවත් සුවිශේෂී අංග එකතු කිරීමට මෙම ව්‍යාපෘතියට සම්බන්ධ විශේෂඥයින්ට හැකි වෙලා තියනවා.

2

Tesla Roadster හැදෙන්නෙ මෙහෙමයි.

අපි පාවිච්චි කරන හැම වාහනයකම වගේ Differential එකක් තියනවා.ඒ කියන්නේ වාහනයක් වංගුවක් ගනිද්දී වංගුව නිසා රෝද වල වේග අනුපාත වෙනස් වෙනවා.ඒ වෙනස් වීම පාලනය කරන්න Digital Differential එකක් භාවිතා කරලා තියනවා.මේ නිසා Steering Wheel එක හරවා ඇති කෝණය, Accelerate කරලා තියන ප්‍රමාණය අඳුරගෙන රෝද 2 ට නිසි පරිදි නිවැරදිව, සැහෙන ඉක්මනින් ක්‍රියාත්මක වී මේ වාහනය ස්ථාවරව, වේගයෙන්, ආරක්ෂා සහිතව වංගුවක් ගැනීමේ හැකියාව තියනවා.

3

මේ මෝටර් 2 පාලනය කරන්නේ 3.3 V Lithium Fero-phospate cells වලින්.මෙහි Battery packs 12 ක් තියනවා. ඒ එක pack එකක cell 50 ක් තියනවා.මේකට Glycol cooling system එකක් යොදා ගෙන උෂ්ණත්වය පාලනය කරලා Battery වල කාර්යක්ෂමතාව වැඩි කරගෙන තියෙනවා.ටිකක් කල් පාවිච්චි කරන කොට cell එකේ වෝල්ටීයතාවය අඩු වෙනවා.මෙහෙම අඩුවෙලා cell එක විනාශවෙලා යන එක වලක්වා ගන්න Digital battery monitoring system එකක් භාවිතා කරලා තියනවා.මේකට පුළුවන් මේ cell 600 ම වෝල්ටීයතාවය වෙන වෙනම මනින්න වගේම විනාශ වුන cell එක වෙන් කරලා හඳුනාගෙන ඒකට අදාළ pack එක Disconnect කරන්න.එතකොට ඊළඟ පාර Charge කරන්න යනකොට විනාශ වුන cell ඉවත් කරලා පහසුවෙන් සුළු මුදලකට අලුත් cell එකක් Replace කරගන්නත් පුළුවන්.මේ battery එකේ charger එක car එක ඇතුලෙම සවිකරලා තිබිමත් Domestic Power Supply එකෙන් පැය 4 ක් ඇතුලත සම්පුර්ණයෙන් Charge කරලා 240 km ධාවනය කරන්නත් පුළුවන්.ඒ වගේම VEGA Team එක plan කරගෙන ඉන්නවා Public power charging station පිහිටුවන්න.එතකොට අපිට මේ වගේ station ලංකාව පුරාම දකින්න පුළුවන් වේවි.ඒ වගේම තව අදහසක් තියනවා. ඒ තමයි Super charging unit එකක් හදලා 80% ප්‍රමාණයක් විනාඩි 20ක් ඇතුලත Charge කර ගන්නත් පුළුවන් වීම.

4

 

 

VEGA නිෂ්පාදනය කරන්නේ CodeGen International ආයතනයේ විධායක නිලධාරී හර්ෂ සුභසිංහ මහතා ඇතුළු විවිධ ක්ෂේත්‍ර නියෝජනය කරන විශේෂඥයින් 25 දෙනෙක් වන අතර ඒ සියළු දෙනාම පාහේ ශ්‍රී ලාංකීය විශ්ව විද්‍යාල තුළ ඉගෙනුම ලැබූ ඉංජිනේරුවන් වීම අපිටත් ආඩම්බරයක්.

මේ CodeGen සමාගම Emirates, Virgin වැනි සුප්‍රකට ගුවන් සමාගම් සඳහා මෘදුකාංග නිෂ්පාදනය කරන ප්‍රමුඛ ආයතනයක් වන අතර මේ ව්‍යාපෘතිය සඳහා මිලියන 30 ක් පමණ වැය කරන අතර මෙම දෙසැම්බරයේදී පළමු එළිදැක්වීම සිදුකිරීමට බලාපොරොත්තු වන බව VEGA team එක පවසයි.එවිට දකුණු ආසියාවේ ප්‍රථම සුපිරි විද්‍යුත් මෝටර් රථය නිපදවීමේ අභිමානය ලංකාවට රැගෙන ඒමටත් තවත් මේ වගේම ලාංකේය පරිසරයට ගැළපෙන මෝටර් රථ නිපදවීමටත් සැලසුම් කර ඇති බව වැඩිදුරටත් වාර්තා වේ.

Images :

 http://buildingdifferentials.com/

 Images : http://readme.lk/

http://www.plugincars.com/

https://pbs.twimg.com/