පහන් දැල්ලෙන් විදුලි එළියෙන්

නොයෙක් පුරයන් එකලු වී ඇත

ගයන බැති ගී අසන ඔබ අද

සිනාසෙන්නේ කිමද සඳවත

එදා ලුම්බිණි සල් උයන මැද

පියුම් මත සිරි පාද තබමින්

සිඟිති කුමරුන් ඇවිද ගිය’යුරු

දකිනු ඔබෙ මතකයට නැගුණි ද

වඩා හිඳිමින් ඇසතු රුක මුල

සසර දිනු විට නසා කෙළෙසුන්

නැගූ හඬ දස දහස් දෙවිවරු

ගිගුම් දුන්නද සාධුකාරෙන්?

උපන් ලෙසට ම ගසක් යට සල්

දිවිය අතහැර කරනු නික්මන්

බලා සිටියද පොළොව වැළපෙනු

සොවින් හෙළමින් නිහඬ කඳුලැල්

වෙසක් සඳ නුඹ නම්

දකින්නට ඇත සියලු දසුනන්

නො ඉඳ ගුවනේ සිනා සලමින්

කියනු මැන ඒ පුවත් අපටත්

Image courtesy: https://bit.ly/2QDKnTp