දහසක් සිතුවිලි පොදි කරන් ළමැදේ

දසත ඉගිලුණු සිත රඳවා එක සේ

නොනිමි ආශා දල්වා බොහො සේ

බලා ඉඳිමි මා ඇසිපිය දල්වා දෑසේ

සිහින මාළිගා බිඳ වැටුණු මොහොතේ

කිසි දිනෙක නුඹ නොඑනා බව වැටහේ

පිළි නොගයි සිත තවමත් එලෙසේ

කුමක් කරමි ද මා නොදනිමි නුදුරේ

කොඳ කැකුළු වන් දසන් පා මුවගේ

සිනාසෙන්න නුඹ මසිත සනසා පෙර සේ

අපමණ ආශා පුබුදුවා යළිත් මසිතේ

පිවිසෙන්න යළි වේදනා සනසා දිවියේ

හැකිනම් සුවඳ විහිදුවාලන්නට මල සේ

ආසයි රොන් ගන්නට නැවත පෙර සේ

නොයනු මැන මෙලෙස හැරදා දිවියේ

නුඹයි සොඳුර ලැගුම් ගත් මා මනසේ

Written By Lakindu Hasamal

Image link : https://bit.ly/36UirA7