නුඹ දවාලු පෙම් ගිනි

තවම ගිනිගයි සිතුවිලි

ලේ පුසුඹ නුඹටත් හිමි

නොදුටු කිරිකැටි පුතු නිදි

මාස අවුරුදු දින ගෙවී

නුඹ ය මතකය මගෙ හිමි

අහස සිඹිනා කුළුණෙහි

දැනෙනව ද තනිකම නිති

නුවර වැව ලඟ දුටු සිරි

වසන්තය අද නම් නැති

පිපුණු රොබරෝසියා පෙති

සිපිරි ගෙය ලඟ පරවුණි

සිත පුරා නුඹ පෙම් බැඳි

නුඹේ පිවිතුරු මල් පෙති

සිඳපු රකුසන් ගෙන් පලි

ගත් නුඹට හිමි මෙයම වී

ලෝගු ලඟ කළු වැඳ වැටී

පුදන්නට පඬුරක් නැතී

එයම වරදක් වී පෙනී

නීති දෙවඟන නිදි ඇති!.

Image Courtesy – https://bit.ly/2XZS74w