මම කවුද?

Share

පුංචි පෑන් තුඩින් කොච්චර නම් හීන පාට කළත්

උහුලන්න බැරි තරම් මතකයන් ගොන්නක එකතුවක් සමඟින්,

රහසේ මුමුණන පුංචි පිණි බිඳුවත්,

මද්දහනේ දිදුළන ජීවිතයත්,

අවසානයේ නිහඬ බවේ සොඳුරුතම නවාතැන වෙත පියමං කරනවා…

හදවතේ හැඟීම් ජීවිතේ හොයනවා වගේ…

හරියටම කිව්වොත් අර්ථයක් නැති කතාවක් වගේ!

හමන සුළඟට රහස් මුමුණමින්,

නුඹත් සමඟින් ඉගිල යන්නට දැරූ උත්සාහයේ ඵලයක් කිවහොත් මා නිවැරදි ද?

නැහැ…

එදා නො ලියන ලද ජීවිතයේ සමහර තැන් අදටත් එහෙමමයි.

රාත්‍රියට එළිය ගේන හඳ බලන්නෙත් මං දිහා.

තරු මෙච්චර නම් හිනා වෙන්නෙත් මට කොලොප්පමට වගේ…

අඳුර වැටුනහම හෙවනැල්ල වුනත් අපිව දාල යනව වගේ

මේ හැමදේම නිකම්ම නිකන් හීනයක් විතරයි කියල මට හිතුණා..

ඒත් මගේ ජීවිතේ තවත් ලස්සන කරන්නට ඔයාට පුළුවන් වුනාද?

නුඹත් නො දකින මාත් නො දකින ඒ අපූරු ජීවිතය හුදකලාව.

ඒත් ඇත්තටම නුඹව සොයනා මම කවුද?

 

image courtesy : https://goo.gl/p6ziv7