මුතු ඇට වැල ගෙල පැළඳූ
පළොල් ඔසරියෙන් හැඩ වූ
අවිහිංසක මදහස රැඳි
දෙවැනි මනාලියයි සොඳුරු
කුසුම් මිටක් දෑතින් ගෙන
නුරාව රැඳි නුවන් විදා
කෝළ බැලුම් හෙළන කල්හි
සසල වුනෙමි බඹසර සිත
පුංචි දෑස් තුළට එබී
තොල් පෙති අතරට ළං වී
මගේ නුරා සුසුම් පොදක්
තවරන්නට අවසරයි ද
ආදරයේ සොඳුරු හැඟුම්
හද මඬලේ සිත්තම් කර
සොඳුරු සිහිනේ මා සතපා
රහසේ නික්මෙන්නෙ මන්ද
Image courtesy: https://bit.ly/3pvKUpe