අරුණෝදයේ පායා එන හිරු, වැන්නී
උදා තරුව වී හිරු සමගින් එන්නී
පායා දිලෙන හිරු මම වේ නම් නැගණී
ඉර බටු තරුව ඔබමයි ආදර මිතුරී……..
හිරු නැති ලොවට සුදු සඳ පයා එන්නී
සඳ කිරණින් මිහිතලයම නාවන්නී
විඩාබර මිහිතලය මම වේ නම් නැගණී
ඔබමය මට සිසිල දුන් මගෙ සඳ සාවී
නිරුදක කතරකට දිය ගඟුලක් වැන්නී
පිපාසිත සිතට දිය දෝතක් වැන්නී
කතරක අතරමං වුයේ මම ම වෙමී
මට සිසිලස ගෙනා වේ, ආදර නැගණී…….
ආ ලෙස එකට හැමදා සෙනෙහසින් බැඳී
එන හැම දිනකදී හමුවෙමු සිනහ වෙවී
මම මහමායාව වේ නම්, මතු භවයකදී
ප්‍රජාපතී ගෝතමියම ඔබ වේවී …………
image: http://www.dreamstime.com/stock-photo-sisters-holding-hands-image2607790