තදට වැහි පොද වැටී පෙඟෙමින්
වහලයෙන් දිය ඒවි ද
නිතර හමනා මාර හුළඟට
කටු බිත්ති පරදීවි ද
ලාට ගාමින් කෑලි හෙලවෙන
බස් රියක් අද ඒවි ද
හිතේ සැකයෙන් කඩපිලට ගොස්
නැවත හවසට ඒවි ද
පාට ගාමින් හීන ඇහිඳින
පොඩි උන්ට හරියාවි ද
කහට තැවරුණු එකම ගවුමේ
පහුදාට තෙත යාවි ද
කට්ට කළුවරෙ කන්න හොයමින්
හස්ති වැට පන්නාවි ද
රෑට පැල් වැදි හේන රැකි උන්
හඳට කලියෙන් යාවි ද
සුන්දරයි යැයි කවිත් ලියවුණු
හද්ද පිටිසර ගම්බද
සිහිල් පිරිසිදු වාකඳක් හැර
වෙනත් සැපතක් නෑ තව
Written by : Yasumi Anjana
Image Courtesy : http://bit.ly/2XSVrfQ