කවිය නුඹ මට සමාවනු මැන
පන්හිඳේ ඉඩ දෙනු නොහැක මට
පෙර ලියූ කවිය මගෙ පන්හිඳම සොරාගෙන
ආයෙ කවි ලියන්නට තවත් එහි ඉඩ නොමැත

මුවින් ගිලිහෙනා හැම කවි පදයම
අයිති පන්හිඳේ ලියවුණු කවියට
අලුතින් කවි පද නොකියමි යලි මම
ඒ කවියම මම මුමුණමි සදහට

අතැඟිලි අතරේ හිරවුණු කෙළි තුඩ
සියුම්ව ඇමිණූ ඒ කවි පද ටික
වියැකී නොයාවි ඇති තුරු පන්හිඳ
ඒ හින්දා නොරැඳෙනු පන්හිඳ ලඟ

Image Courtesy – https://stylewhack.com/wp-content/uploads/2016/02/Shayari-FI.jpghttps://bit.ly/2DkToHV