කොළඹ විශ්ව විද්‍යාලයේ විද්‍යා පීඨයේ තෙවන වසර සිසුන් විසින් වාර්ශිකව සංවිධානය කරන්නට යෙදුණු මහා බක්මහ උළෙල මෙවරත් අති උත්කර්ශවත් අන්දමින් පසු ගිය මාර්තු මස 28 වෙනිදා ගුරු දා උදෑසන සිට දවස පුරා පැවැත්වුණා. චාරිත්‍රාණුකූලව සිංහල හා දමිළ සංස්කෘතික අංගයන්ගෙන් සමන්විත මෙවර බක්මහ උළෙල පෙර වසර වලට වඩා වෙනස් මුහුණුවරක් ගත්තා. සිංහල හා දමිළ සංස්කෘතිය වඩාත් ඔප්නැංවෙන අන්දමින් මෙවර වසන්ත සැණකෙළිය සංවිධානය කර තිබුණා.
චිරාගත සම්ප්‍රදායාණුකූලව වර්තමානයේ දක්නට නොලැබෙන විචිධ පැරණි අංගයන් රැසකින් හා නව පන්නයේ තරඟ රැසකින් ද මෙවර කොළොම්පුර බක්මහ උදානය සම්න්විත වී තිබුණා. ගැමි පරිසරයක ස්වරූපය මොනවට විදහා පාමින් ගැමි ගෙයක් නිමවා තිබුණ අතර එළ දෙනෙකු ඒ අසල තණ කමින් සිටින ආකාරයක් දක්නට ලැබුණා. ඒ අතර ඔන්චිල්ලාවක පහස ලබන්නටද කොලොම්පුර ඇත්තන්ට මෙහිදී අවස්ථාවක් උදා වී තිබුණා.
චිරාෆත සම්ප්‍රදායාණුකූලව සිංහල හා දමිළ චාරිත්‍ර වාරිත්‍ර අනුව ආරම්භ වුණු බක්මහ උළෙල සඳහා මෙවර තෙවන වසර සිසුන් සම්ප්‍රදායාණුකූලව ගැමි ඇඳුම් පැළඳුම් වලින් සැරසී පැමිණ සිටීම කාගෙත් සිත් ගත් දර්ශණයක් බවට පත් වුණා. ඉතාම සාර්ථක අන්දමින් පවත්වන්නට යෙදුණු මහා බක්මහ උළෙල සඳහා උපකුලපති තුමා, පීඨාධිපති තුමා ඇතුළු අනෙකුත් සියළුම ආචාර්ය මණ්ඩලයේ මහත්ම මහත්මීන්ගේ නොමඳ සහය ලැබුණු අතර මෙවර ආචාර්යවරුන් සඳහා ද විවිධ තරඟ රැසක් සංවිධානය කර තිබීම සුවිශේෂීත්වයක් ගනු ලැබුවා. සියළුම තෙවන වසර සිසුන්ගේ සාමුහික ප්‍රයත්නයක ප්‍රතිඵලයක් ලෙස ඉදිරිපත් වුණු මෙම මහා සැණකෙළිය විද්යාාපීටයේ එකමුතු භාවය මොනවට විදහා පෑ අවස්ථාවක් වුණා. එමෙන්ම මේ උළෙලේ ප්ර්ධාන සංවිධායක වරු වශයෙන් කටයුතු කල තෙවන වසරේ ඉගෙනුම ලබන සංජීව බංඩාර හා චන්දු අලහකෝන් යන සිසුන් දෙදෙනා ගැනද මතක් නොකිරීම විශාල අඩුපාඩුවක් ලෙස සැලකිය හැකියි. ඔවුන් දෙදෙනා ඇතුලු අනෙකුත් තෙවන වසර සිසුන්ගේ නොමඳ සහය නොවන්නට මේ උළෙල මෙතරම් උත්කර්ෂවත් ලෙස පවත්වන්නට නොහැකි වනු ඇතියි.
පැරණි මෙන්ම නව තරඟ අංගයන්ගෙන් සමන්විත වුණු අවුරුදු උදානය සඳහා විද්යාස පීඨ සිසුන්ගෙන් ඉතා හොඳ ඉල්ලුමක් ලැබුණු බව දක්නට ලැබුණා. ඔවුන් ඉතාම ආශාවෙන් විවිධ තරඟ සඳහා සහභාගී වනු දක්නට ලැබීම සුලබ දසුනක් වුණා. කිඹුලාට ඇහැ තැබීම, ඉටි පන්දම් දැල්වීම යනාදී තරඟ පැරණි තරඟ නව්යදකරණයට ලක් කර ඉදිරිපත් කර තිබීම ද විශේෂ ලක්ෂණයක් වුණා. ඒ නමුත් කාගේත් සිත් ගත් තරඟයක් බවට පත් වූයේ කොට්ට පොර හා කඹ ඇදීම තරගයය්. මෙහිදී තෙවන වසර හා සිව් වන වසර තරඟය ඉතා උණුසුම් අවස්ථාවක් ගනු ලැබූ අතර උත්සව භූමියේ සිටි සියලු දෙනාගේ අවධානය දිනා ගැනීමට එම තරඟාවලිය සමත් වූවා.
ජායාරූපය – යසස් සෙනරත්