මුලින්ම අපේ ඇස් හමු උන දවසේ
දැනන් උන්නේ නෑ මං
ඔයයි මායි අයිති
සම්මත මිනිස්සුන්ගේ
කවදාවත් යා නොවෙන
වෙනස්ම
ලෝක දෙකකට කියලා..
ඒත්..
හදවතින් මාත් ඔයත්
හැමදාම අයිති වුනේ
එකම එක ලෝකෙකට නිසාත්,
ඒ අපි බෙදා වෙන් කරගත්ත
ලෝක දෙකක් නොවන නිසාත්
ඔයාගෙන් දුරස් වෙන්න
මට හිතුනේ නෑ…
අපේ ඇස් යාවුනේ
හදවතින් අපි එකට බැඳුනේ
මුස්ලිම් ද, සිංහල ද , දෙමල ද
කියලා හාංකවිසියක්වත් නොදැන…
එකම රතු ලේ නහර වල දුවන
එකම සම්, ඇට , මස් , නහර වලින්
හැදුන අපිට
එහෙනම් ඇයි වෙනස්කමක්
ආදරේට විතරක්??
ඉදින්…
තවත් අසම්මත ප්‍රේමයක
වග උත්තර කාරිය වෙන්න තරම්
මටත් මුරන්ඩු වෙන්න හිතුණා…..
මොනතරම් බාධක ආවත්…