පිරුණු ජලයේ කෙමෙන් මෝරන
පුංචි කුළුඳුල් කැකුළු මලකට
නටුවකින් පුද ඇගේ සෙනෙහස
කැටුව යයි කැකුළකින් මලකට

පියුම් පතකින් පියුම් පතකට
ඇගේ සිහිනයෙ ආශ්වාදය
එක්ව මුසුකළ රෝස පැහැයට
ලදිමි ඇයගේ අර්ධ රූපය

දිනක බිඳ දා නටුව හෙමිහිට
ඇගේ තුරුලේ හඬන මල දෙස
බලා හ‍ඬමින් හිනැහෙනා ඇය
දෙතොලතින් තැබු පළමු හාදුව

අමිහිරට ප්‍රිය රසය මුසුකර
ජීවයට ජීවයක් දුන් ඇය
පුරාතනයෙන් අනාගතයට
අසමසම වූ සොඳුරු ගැහැණිය, අම්මා

Written By Gavini Kaveesha

Image courtesy : https://bit.ly/3b9u9Za