ප්‍රමිලාව හොරෙන් ලද දස්කොන්ගෙ       ආදරය

මන්දෝදරී ලබපු රාවණගෙ                    ආදරය

විජය රජු පිටු පෑව කුවේණිගෙ                 ආදරය

මට එපා ඒවගේ උවම් කල                     ආදරය

රෝමියෝ ජූලියට් දිවි පිදූ                       ආදරය

සාජහන් ටජ්මහල සදා පිදු                      ආදරය

ජැක් සමඟ රෝස් විඳි ටයිටැනික්            ආදරය

මට එපා සිතුවමක් සේම ඇඳි                  ආදරය

ගලන ගඟ ඉවුරු සිප විඳින ඒ                 ආදරය

මද පවන සිසිල විඳ ලබන ඒ                    ආදරය

විහඟ ගී මත් කරන අරුණ ලද                 ආදරය

මට ඕන ඒවගේ නිදහසක                     ආදරය

මෙලොව ඉපදුණු දවස අම්මා දුන්             ආදරය

සඟවන්න වෙර දරපු තාත්තගෙ               ආදරය

නෑදෑයෝ ගුරුවරුන් මිතුරන්ගෙ             ආදරය

මනු ලොවට උතුම් වූ මා වින්ද                 ආදරය

උපමාව රූපකය හැඩ කරපු                    ආදරය

මට එපා ඒ වගේ සිර කරපු                     ආදරය

හදවතේ මට ම හිමි මා විඳපු                    ආදරය

මට ඕන මගේ වූ සෙනෙහසක                ආදරය

ඔයාට ඕනේ මොන වගේ ආදරයක්ද?

ඔයා විදින්නෙ මොන වගේ ආදරයක්ද?

Written By : Vinuk Thismalpola

Image Courtesy :https://bit.ly/3OidxiA