ඇසූ දා පටන් නුඹෙ මුදු ස්වරය
දුටු දා පටන් නුඹෙ නිල් දෙනයන
වෙන්විය නොහැකි ලෙස
බැඳුණා නුඹ වෙත මසිත
අන් සතු බව නුඹ දැන දැනම
ආදරය අන්ධ බව කීවත්
නොසිතුවෙමි බව එය සැබෑවක්
නොලැබෙයි සිතෙන්නේ නෑ කෙසෙත්
ඒත් මගෙ ආදර තනුවට
නුඹ අහිමි ස්වරයක්
නුඹේ හඬ අසන්නටම පමණක්
නුඹේ රුව දැක්මට විතරක්
ගිය තැන් බොහෝමයි අදටත්
නුඹට හොරා මං හිතින් විතරක්
ආදරෙයි කී වාර කොපමණක්
කිසාගෝතමී ලෙස නිබ්බුත පද කියා
සැනසෙන්නම් ඉතින් මං
නුඹව හිමි යසෝදරා ගැන
නෑ මගෙ හිතේ කිසි අහිතක්
ඒත් අවසරයි ද පතන්නට යමක්
හමුවුණොත් මතු භවයේ දී
මඟ නොහරිනු මැන මාව
හැකිවේ ද අඩුවක් නැතිව
ඔබෙ සෙනෙහෙ මට දෙන්න
ජීවිතය මට දෙන්න…
Image courtesy:
- Featured Image: https://bit.ly/3meT9RC
- Image 01: https://bit.ly/3420EVr