පසුගිය මාර්තු දෙවන දින කොළඹ විශ්වවිද්‍යාලයීය ක්‍රීඩා පිටියේ ඉතා උණුසුම් වාතාවරණයක් ඇති විය. විශ්වවිද්‍යාලයීය විද්‍යා පීඨයේ, නීති පීඨයේ, ශාස්ත්‍ර පීඨයේ, කළමනාකරණ හා මූල්‍ය පීඨයේ, වෛද්‍ය පීඨයේ නවක ශිෂ්‍ය ශිෂ්‍යාවන් පැසිපන්දු ක්‍රීඩාව වෙනුවෙන් ක්‍රීඩා පිටියේ දී තම උපරිම ජවය තම පීඨය වෙනුවෙන් වැය කරමින් තරග වැදීම මෙම වාතාවරණය ඇති කිරීමට හේතු විය.

තියුණු ලෙස කරට කර පැවැති තරග අවසානයේ දී පිරිමි අංශයේ ප්‍රථම ස්ථානයට කොළඹ විශ්වවිද්‍යාලයීය පරිගණක අධ්‍යනායතනය හිමිකම් කියූ අතර කළමනාකරණ හා මූල්‍ය පීඨය අනුශූරතාවය දිනා ගත්තේය. ශූරයන්ට තියුණු අභියෝගක් වූ විද්‍යා පීඨ හා නීති පීඨ ශිෂ්‍යයෝ ද සම සමව තෙවැනි ස්ථානයේ ජය සැමරූහ.

ශිෂ්‍යයන්ට නොදෙවෙනි ලෙසින් තරගයේ යෙදුණු ශිෂ්‍යාවන් අතරින් වෛද්‍ය පීඨය නියෝජනය කළ ශිෂ්‍යාවන් තම පීඨයට ප්‍රථම ස්ථානය හිමි කර දීමට සමත් වූයේ කළමනාකරණ හා මූල්‍ය පීඨය අනුශූරතාවයට සීමා කරවමිනි. විශිෂ්ට ලෙසින් තරග කළ විද්‍යා පීඨ නවක ශිෂ්‍යාවෝ තම සහෝදරත්වයට තෙවැනි ස්ථානය ලබා දුන්හ.

විටෙක ජයත් තවත් විටෙක පරාජයත්, සහෝදරත්වයේ නාමයෙන්, සතුටින් විදගත් ඒ යෞවනයේ අභියෝගාත්මක සොදුරු මතකයන් පුරවර සරසවියේ සුවදට මුසු කරමින් පැසිපන්දු තරගාවලියේ අවසානය මෙසේ සනිටුහන් විය.

තවත් ඡායාරූප සඳහා පිවිසෙන්න : “Freshers’ Tournament 2017 – Basketball” by FOS Media

https://www.facebook.com/fosmedia/photos/?tab=album&album_id=1583748264973272