සුන්දර අවස්තා මොහොතකින් මගහැරුන ද…?
කැමරාව බෑග් එකෙන් එලියට ගන්නකොට පෙරහැර ගිහින් ද..?
අපරාදෙ කියල හිතෙන්න ඇති නේ….
ඒත් තවත් නම් ඔයාලට එහෙම වෙන එකක් නෑ…
මොකද ඔන්න දැන් ගූගල් සමාගමෙන් ඔයාලගෙ ඇහැටම කැමරාවක් හයි කරලා තියෙනවා.
ඒකෙ නම තමයි ගූගල් ග්ලාස් (ප්‍රොජෙක්ට් ග්ලාස්).
මේ උපකරණය හරියට අව් කන්නාඩියක් වගේ. වෙනස තියෙන්නේ මේ කන්නාඩියට කැමරාවක් හයි කරලා තියෙන එක. මේ කැමරාව මගින් අපි දකින සුන්දරම දේ ඒ විදියටමටම ග්‍රහණය කරගන්න පුළුවන්. කැමරාව මගින් ග්‍රහණය කරගන්න දේ Prism projector එකක් මගින් අපට දැකගන්න සලස්වලයි තියෙන්නෙ. ඒ වගේම ග්‍රහණය කරගන්න චායාරුප වීඩියෝ පට facebook, twitter වගේ සමාජ ජාල වෙබ් අඩවි වල ඒ වෙලාවේම වුනත් බෙදාහරින්න හැකියාව තියෙනව. මේ උපකරණයේ අන්තර්ගත කරලා තියෙන කැමරාව 5MP එකක් වගේම ඒ කැමරාවෙන් 720P video recording කරන්නත් පුළුවන්. මේ උපකරණය ක්‍රියා කරන්නෙ හඬ නියෝග (voice controller) මගින් නිසා උපකරණය අල්ලන්නෙ නැතුවම ෆොටෝ ගහන්න වීඩියෝ කරන්න අවස්තාව තියෙනව. Google+, Google Maps, Gmail වගේ Google applications වලින් හිතාගන්නවත් බැරි විදිහේ වැඩ ප්‍රමාණයක් මේ උපකරණයෙන් කරන්න පුලුවන් විදියට මේක දැන් සංවර්ධනය කරල.

ගුගල් සමාගමේ නවතම ව්‍යාපෘතියක් වෙන මේ උපකරණයේ ධාවනය වෙන්නේ Android 4.4.2 මෙහෙයුම් පද්ධතිය. මේ නිසා Android Developers ල මේ උපකරණය සඳහා අමතර මෘදුකාංග සංවර්ධනය කරගෙන යනව. ඒ මෘදුකාංග භාවිතා කරල මේ උපකරණයෙන් වැඩ රාශියක් කරගන්න පුළුවන් තත්වයට දැන් පත් කරලයි තියෙන්නෙ. මේ උපකරණයේ 1 GB Ram එකක් වගේම 16 GB ෆ්ලෑෂ් මෙමරියක් ද අඩංගු වෙනව. එයින් 12GB ප්‍රමාණයක දත්ත ගබඩා කරන්න ගන්න පුළුවන්. ප්‍රධාන වශයෙන් ම මේ උපකරණය පාලනය කරන්නෙ මේකෙ තියෙන touch screen එකෙන්. ඒ විතරක් නෙවෙයි උපකරණය Smart Phone එකක් හරහා පාලනය කරන්න අවස්තාව තියෙනව.මේ උපකරණය වෙනත් උපකරණත් එක්ක සම්බන්ධ වෙන්න WIFI, Bluetooth නැත්නම් USB Cable යොදා ගන්නව.

මේ උපකරණය $2000 ක වගේ මුදලකට මිලදීගන්න පුළුවන්.

Image Source :http://media.bestofmicro.com/