හනි හනික එහෙ මෙහේ
දිව යමින් වැඩ කෙරු
නිවන්නට කුසගින්න
නොයෙක් අරගල කෙරු
අනෙකාව පරයමින්
වහ වහා දිවයන්න
නොයෙක් අත හරස් මං
සොය සොයා වෙහෙස වූ
අහස තෙක් දිවයන්න
මහ මැදුරු තනන්නට
රැසක් දෑ එක් කරන්
දැවී දැවී දිවි ගෙවූ
ජීවිතේ හමා යන
චණ්ඩ මාරුත සැමත්
හදිසියේ ඇද වැටෙන
අනොරා වැසි සැමත්
සියල්ලට මුහුණ දුන්
ඔවුන් දැන් නිසසලය
එදා වු කලබලය
නොවේ දැන් ඔවුන් තුල
වෛවර්ණ ජීවිතය
ශ්වේත පැහැ ගැන්විය
රැස් කෙරු රැසක් දෑ
අත්හැරපු ඔවුන් සැම
හුදෙක් හිස් දෑතකින්
දැන් පොළෝ ගැබ තුළය
ඉඩ හරිමු ඔවුන් හට
නිදහසේ තනි වෙන්න
ඔවුන්ටම වෙන් වූ
නිදහසේ නවාතැන
Image Courtesy – http://photos.wikimapia.org/p/00/03/09/92/43_big.jpg