යථාවාදී තථාකාරී නොවන ලොවක

අභිමන්යු ට කළ ප්‍රේමය

පිහි පාරවල් වෙලා

හදවත ට ඇනෙද්දි

ප්‍රේමයේ නාමයෙන් ඔහු

හදවත සමඟ කළ සෙල්ලමෙන්

සැනසීම පවා මා අතැර ගිය මොහොතක

මා සොයා ආ ඉන්දර්!!

වෙස් මූණු දමා උන්

අභිමන්යුගේ වෙස් මූණ ගැලවී

වීදුරු හඬ නගමින්

මහද බිඳී ගිය මොහොතක

පණ අදිමින් හුන්

හදට හදගැස්ම වී

ප්‍රේමය කිමදැ යි කියා

හදවතට පසක් කර දී

හෙලන සුසුමන්

මල් මදහාස බවට පෙරළමින්

රතු රෝස මල් ගෙන ආවාට

දහස් වාරයක් තුති!

               -Saru-

පසුවදන් ලියැවෙන්න ඕනිමයි සමහර කතා වලට, කතාවල සමහර චරිත රඟදැක්වූවන්ට, කතාවේ ප්‍රේක්ෂක සහෘදයන්ට සාධාරණය කරන්නට. හරියට මේ කතාවට වගේ. යථාර්ථය ඉදිරියේ ලියවෙන සමහර පසුවදන් තමයි තවත් දවසකට අපිට හුස්ම ගේන්නෙ. ඉතින් Sanam Teri Kasam සිනමාපටය ඇසුරින් ලියැවුණු “සරූගේ දිනපොතෙන්” පබැඳුම් මාලාව රසවිඳි ඔබ සැමට තුති පුදමින් නිමා කරමි.

Image Courtesy: https://bit.ly/49jHkCu