කව සඳක ඔරුවෙ නැඟ
වලා අතරින් හබල් ගාමින්
සිහින පිරි නිම්නයට
පියඹන්න ඇත්නම්
මදනලේ පාව එන
රහස් මිමිණුම් එකතු කරමින්
ලොවේ ඇති අරුම තතු
දැනගන්න ඇත්නම්
කිරි සයුර විසිරුණ
විසල් අහසේ රටා මවමින්
මුහුදු රළ බිඳෙන හඬ
අසා ඉන්නට ඇත්නම්
තෙරක් නොපෙනෙන අනන්තයට ම
දුවන ගමනේ විඩා නිවමින්
සිත නිවාලන නිහැඬියාවක
ගිලෙන්නට ඇත්නම්…
Written By : Nipuni Wanniarachchi
Image credits : https://scitechdaily.com/images/Dream-Concept.gif
