බලා සිටියේ සයුරක් දෙස
සුකොමළ සුමුදු රැලි නන්වන
නිල්වන් ගැඹුරු ජල තලයකි
ඒ හඩකුත් නොම නැගෙන
දඟකම් පායි හද සතුටු කරමින්
දුටුවා දුර ඈත තරුවක ඡායාවක්
ජල තලය මත රඟ දක්වන
ඇස හැරෙව්වේ නිල්වන් අහස වෙත
ඒ තරුව දකිනා රිසියෙන්
දුර ඈත ය එය
ළං නො විය හැක කිසිදාක
යොමා ගත්තේ ඇස දිගින් දිගටම
නිල්වන් අසිරි අහස දකිනු රිසියෙන්
ලොව දුටුවේ ඒ දුර ඈත තරුව දෙස බලනා අයුරක් ය
සයුරු තෙරින් සිත ගැලවී ගත්තා සේ හැඟේ
අතරමං වූවෙකු වෙත මග පෙන්වන්නෙක් ..
මග පෙන්වීමක් කරනු මැනවි
Image courtesy : http://download-wallpaper.net/single/57_sky-stars-moon-wallpapers_20.html