කහ සමනලියක් වගේ නුඹත්

මල් වත්තට ආපු

මලින් මලට ඉගිල ගිහින්

රොන් උරාන බීපු

අත්තටුවල චිත්‍ර රටා

ප්‍රභාවතින් සොබරු

උයනෙ හෙටත් මල් පිපේවි

ඉන්නවාද නුදුරු

හැමදාමත් මල් වත්තට

ආවෙ ගියේ දෙබරු

මල් තලලා උන් සියල්ල

පියඹ ගියා නපුරු

සමනලියක් ආවෙ අදයි

උයන් තෙරට සොඳුරු

මල් උයන ම හරිම හැඩයි

නුඹ හින්දම රුසිරු

තටු ගසනා රටාවලට

මල් හිනැහෙයි මධුරු

නුඹව තලා පොඩිකරන්න

රැස්වෙයි විස බඹරු

මල් උයනෙ ම හිටියෝතින්

රැකගන්නට හැකිලු

සමනලියක් ගැලපෙන්නෙම

සුන්දර කුසුමටලු

Image Link : https://bit.ly/39bfjTD