හිතින් අල්ලා ගත්තු ප්‍රේමෙක

අලුත් පිටුවක ලිව්ව කවිකම්

අතින්වත් අත නො අල්ලාගෙන

බොඳවෙලා අද නොසිතු විලසක…

දිනක ළං වුණු දිනක වෙන්වුණු

සුසුම් අතරින් අහඹුවක් ලෙස

හදේ ගැඹුරැති තැනක ලියැවුණු

වින්ද  නාඳුනන නුඹේ ප්‍රේමය…

අහිමි වන බව දැනත් ළං වුණු

හැඟුම් මිහිදන් කරන් හිත් තුළ

විඩාබර හිත නිවා සැනසුව

උරුමයක් නැති නුඹේ ප්‍රේමය…

වසන් කරගෙන හිතේ දුක් ගිනි

ලොවක් අභියස සිනාසෙන්නම්

කතා නොකළට එදා මෙන් අද

හිතින් ඈතට නොයයි නම් නුඹ…

Written By: Sandali Wickramasinghe

Image Courtesy: https://bit.ly/43WSU3b