දහස් නෙතුකැන් මගේ ඇස දෙස

බලා සිටිනා විටදි නිහඬව

කරන්නට කිසිවකුත් නොමැතිව

සෙව්වෙමි පිළිසරණ ගන්නට

ලියමි කවි බස හසුරුවාලා

මවමි රුව ගුණ නෙතු පියාලා

තබමි සැමරුම් සිහි නඟාලා

පිසමි කඳුළැලි දුක නිවාලා

පිවිතුරු සිතින් හැඟුමක් මැව්වයි මෙලෙස

කවියෙන් මෙසේ ලිව්වයි මා හද තුළ රහස

තනිකම මැදින් ගලනා ඒ සුවය මිස

නොදනී මෙලොව වූ අන් කිසිදු රස

දෙනෙත මා සොරා නුඹේ රතැඟිලි වෙනකෙකුගේ වේද

සුරත මගේ සොයා නුඹේ පය පිය තබන්නේ නැතිද

සලිත ඇසි පියන් නුඹගේ නෙත ගැටෙන්නේ නැතිද

ලලිත කොමළ හැඟුමන් මගේ නුඹ දකින්නේ නැතිද

සත්තයි කියන්නේ නැත මා කරනුයේ වෛර

බොඳ වී ගියත් මා සිතගේ ඇති බැල්ම

ආදරී නොවූවත් ඔබගේ මිතුරිය වන්න

මුළු හදවතින් පතනෙමි සිත සනසන්න

Written By : Nethmi Tharika

Image Courtesy : https://bit.ly/34HdVE2