දූල් තිර අස්සෙන්

මතු නොවූ රිසි සේ

උඹේ පතිව්‍රතාව

ඉතිහාස පොත්වල

කිසි කලෙක නොදැක්කෙමි

ලේවලින් සපථ කළ

ආදරයෙ  කෙළවරට

පරපුරක් ගිනි තැබූ

ඔබ පවර ගැහැනියක

හීන මැද ගිනි ගත්ත

මහ මුහුද නොදනී ද

සිංහලේ උපන්නේ

හදවතක් නැතුව බව

ඔටුන්නක් වෙනුවෙන්

පිරිමිකම  අතහළ

විජය ගැන ප්‍රශංසා

ලියු පොරණ හිමිවරු

දරුවො දෙන්නෙක් අරන්

කැලෑවට දිය කරපු

උඹෙ ළැමට යටින් ඇති

ළපැත්තේ සෙනෙහස

කිසි කලෙක නොදුටූහ…

Written By: Kosala Abeykoon

Image link: https://bit.ly/3o7cPcS