සීත හිම කැට වැටුණු ගුරු පාර පාසලට
මවයි පියසටහන් ඔබ මාද ඇවිද ගිය
සොඳුරු බව රැඳි නමුදු පෙර මතක සිහිනවල
සීත සෘතුවක්ව දිග ඔබ නැතිව ගෙවෙන දින
වසන්තය නැත පෙනෙන මානයකවත් තවම
හිරු එළිය නැති ලොවක වසන්තයේ ඉඟි කොහිද
මා එදා ගොළු වුවත් පවසන්න දිරි නැතිව
ආදරය අවදියෙන් තවම හද කවුළු ළඟ
නොකියූ ආදරය සරදමක් වී අරුම
දුයිෂෙන් ඔබ කොහිද මා කොහිද අද දෙතැන
ඇසේ නම් මා ගයන ආදරයේ ගුරු ගීය
හද කවුළු ඇර තබමි යළි එන්න නොපමාව
එක් වරක් ආදරෙන් මා නමින් අමතන්න
ආයෙමත් ආදරෙන් මා නළල සිපගන්න
ඔබ නමින් රැගෙන ගිය වසන්තය දල්වන්න
ආදරයේ එළි රැගෙන සීත සෘතුවට එන්න…
Image Courtesy : https://bit.ly/2NS6yOC