සියක් ගව් ගෙවා යන රුදුරු මංමාවතේ
උඩට යන කඳු මෙන්ම පල්ලම්ද බෝ ඇතේ
දෙපා මෘගයන් මැද දෙවියන්ද වැඩ වැසේ
දහසකුත් කතා මැද කතාවකි ජීවිතේ
දුටුවන්ගේ හිත පිණිස රඟන මේ රංගනේ
අනෙකාව තල්ලු කර ගමන යයි හිතුමතේ
දුවා හති දමා පසු බලන විට නිසි ලෙසේ
මට මාව හැර සියලු දේ ලැබී ඇත ලොවේ
මම කවුද කොහෙ යම්ද නොදැන මා දුව ගියේ
මට මාව හමුවුණා හිරු බසින යාමයේ
අන් චරිත පසෙක ලා මම වෙන්න සැරසුණේ
කල් මදිය මා වෙන්න රැඟුම අවසන් වෙතේ
නරඹාපු අය පවා තනි කළා මා චිතකයේ!!
Image Courtesy :
http://i.pinimg.com/originals/21/b3/72/21b3720940bf0fa3e854849f5e341569